Ардақ пен Еркежаннан Архат менің немерем.

Архатым менің балдырған
Рухымызды жандырған.
Сәбилік жұпар исімен
Мейрімімізді қандырған.

Балапанымсың балымсың
Тәтті күй мен әнімсің.
Өмірімнің жалғасы
Болашағымсың, таңымсың.

Менің тұңғыш немерем
Ай мен күнге теңегем.
Сол секілді батыр бол
Жетінші атаң Көбеген!

Алтыншы атаң Ақтайды
Елдің бәрі мақтайды.
Асыл кездік ешқашан
Қап түбінде жатпайды.

Аюменен алысқан
Дұшпанмен тіл табысқан.
Аталарыңдай мықты бол
Жаралғандай намыстан.

Бесінші атаң Жантемір
Өткізбеген босқа өмір.
Сенде сондай болып өс
Құрыш болат сомтемір!

Төртінші атаң Бұқарбай
Шайқасқан жаумен мұқалмай.
Аталарыңа тартып өс
Елің құрмет тұтардай!

Өнер білімнің кені бол
Бүгінгі заманның жөні сол.
Адаспай жүрсең болғаны
Өмір деген бұраң жол.